«Кристал Пэлас» клуби зараркунандаларга қарши саримсоқдан фойдаланиши ҳақида мухлисларни огоҳлантирди.
Клуб расмий сайтининг хабарига кўра, «Селҳерст Парк» стадиони чимини зарарли ҳашаротлар ва уларнинг личинкаларидан асраш мақсадида саримсоқ эритмаси сепилади. Стадионга йиғилган томошабинлар эса ўткир саримсоқ ҳидига чидашига тўғри келади.
Ўйингоҳдаги дастлабки учрашув ўртоқлик ўйини мақомида бўлиб, 5 август куни «Шальке» клубига қарши ўтказилади.
Эслатиб ўтамиз, зараркунандаларга қарши саримсоқ эритмасидан фойдаланишни «Ман Сити» клуби бошлаб берган. Жамоа «Этиҳад» стадиони майдонидаги зараркунандаларга қарши курашиш учун шу ишни қилишга мажбур бўлган.
