Tojikiston poytaxti Dushanbe shahrida Markaziy Osiyo futbol assosiasiyasining CAFA U-15 Boys Tournament musobaqasining 2-tur uchrashuvlari bo‘lib o‘tdi.

Dastlab Afg‘oniston va Qirg‘iziston o‘smirlar terma jamoasi o‘zaro bahs olib bordi. Unda afg‘onistonlik futbolchilar 3:1 hisobida g‘alaba qozondi.

O‘zbekiston o‘smirlar terma jamoasi bu turda Turkmaniston U-15 termasi bilan kuch sinashib, 6:2 hisobida zafar quchdi. O‘zbekistonlik futbolchilar mazkur muvaffaqiyatni kecha, 4 iyul kuni 70 yillik yubileyini nishonlagan O‘FF prezidenti Mirabror Usmonovga tug‘ilgan kun sovg‘asi sifatida yo‘lladi.

Turnirning ikkinchi turidan keyin O‘zbekiston U-15 terma jamoasi 6 ochko bilan yaxshiroq to‘plar nisbati bo‘yicha 1-o‘rinda bormoqda. Xuddi shuncha ochkoga ega bo‘lgan Afg‘oniston o‘smirlari ikkinchi pog‘onada bormoqda.

CAFA U-15 Boys Tournament
Tojikiston, Dushanbe
4 iyul, seshanba

O‘zbekiston U-15 – Turkmaniston U-15 — 6:2

Gollar: Bektemir Abdumannonov (42, penalti), Hemra Gujikov (avtogol, 44), Bo‘ronbek Mirzasalimov (46, 77), Nurbek Ahrorbekov (50), Jasur Qahhorjonov (62) – Timur Polvonov (58), O‘raz O‘razov (75).

Chetlatish: Timur Toirov (41)  

O‘zbekiston U-15: Sarvar Yo‘ldoshev, Nurbek Ahrorbekov, Abdumutal Rajabboyev (Abduvohid G‘aniyev, 55), Bektemir Abdumannonov (Bo‘ronbek Mirzasalimov, 46), Sultonbek Nekboyev (Asilbek Daminov, 50), Jasur Qahhorjonov (Ikrom Erkinov, 68), Diyor Xolmatov (Jaloliddin Sodiqov, 46), Alibek Davronov, Saidumarxon Sodiqov, Abdujabbor Zuhriddinov, Husain Norchayev.

Turkmaniston U-15: Sardor Rovshanov, Timur Toirov, Hemra Gujikov, Azim Qilichmurodov, Mardon Choriyev, O‘raz O‘razov, Sherdurdi Omondurdiyev, Yunus Boboyev (Vepa Egamberdiyev, 52), Meylis Durdiyev (Tayanch Meredov, 64), Ahmet Nurmetov (Odilbek Ravshanov, 75), Yunus Murodov (Timur Polvonov, 53).