«Milan» darvozaboni Janluiji Donnarumma ta’til vaqtida hamma qatori dam olishga qaror qildi.
Buxgalteriya hisobi instituti professori Elda Froxo xabariga ko‘ra, 18 yoshli talaba imtihon topshirish o‘rniga, sevgilisi bilan Ibisa oroliga jo‘nab ketgan.
«Uning bu qilig‘i institut, komissiya va talabalarga nisbatan hurmatsizlikdir. Sinyor Donnarumma o‘qish uchun qo‘shimcha muxlat so‘ragandi. Ta’lim vazirligi sport bilan shug‘ullana turib, o‘qish istagida bo‘lganlarni qo‘llab-quvvatlaydi. Uning yoshlar o‘rtasidagi Yevro-2017 musobaqasidagi ishtiroki tufayli, imtihonni boshqa muddatga qoldirgan edik. Biroq u, chempionatdan qaytgach, sevgilisi bilan Ibisa oroliga jo‘nab qoldi. Undan boshqa 57 nafar talaba imtihonni topshirish uchun keldi. Samolyotga o‘tirishdan oldin, Donnarumma ertasi kuni imtihonga kelishi shartligini eslab qolishi lozim edi» - dedi professor.
