«Милан» дарвозабони Жанлуижи Доннарумма таътил вақтида ҳамма қатори дам олишга қарор қилди.
Бухгалтерия ҳисоби институти профессори Эльда Фрохо хабарига кўра, 18 ёшли талаба имтиҳон топшириш ўрнига, севгилиси билан Ибица оролига жўнаб кетган.
«Унинг бу қилиғи институт, комиссия ва талабаларга нисбатан ҳурматсизликдир. Синьор Доннарумма ўқиш учун қўшимча мухлат сўраганди. Таълим вазирлиги спорт билан шуғуллана туриб, ўқиш истагида бўлганларни қўллаб-қувватлайди. Унинг ёшлар ўртасидаги Евро-2017 мусобақасидаги иштироки туфайли, имтиҳонни бошқа муддатга қолдирган эдик. Бироқ у, чемпионатдан қайтгач, севгилиси билан Ибица оролига жўнаб қолди. Ундан бошқа 57 нафар талаба имтиҳонни топшириш учун келди. Самолётга ўтиришдан олдин, Доннарумма эртаси куни имтиҳонга келиши шартлигини эслаб қолиши лозим эди» - деди профессор.
