«Yuventus» hujumchisi Mario Manjukich Chempionlar ligasi finalidan oldin Leonardo Bonuchchi va Dani Alves o‘rtasida yuzaga kelgan janjal haqida gapirib berdi.

«Chempionlar ligasi finalidan oldin «Yuventus» kiyinish xonasida yuz bergan janjalni aytib bermoqchiman. Uni Bonuchchi va Alves yuzaga keltirishdi. Yaxshiyamki, ular jamoani tark etdi.

Har ikkalasi o‘yin paytida ham tinmasdan tortishardi. Chunki ularning fe’li bir-biriga qarama-qarshi edi. Final kuni esa haqiqiy tomoshaning guvohi bo‘ldik.

Biz kiyinish xonasiga kirib, odatdagidek, o‘yinga tayyorgarlik ko‘rayotgandik. Shunda Dani Alves Samba Do Janeiro musiqasini quloqni qomatga keltirish darajasida baland qo‘yib, stol ustiga chiqib, raqsga tusha boshladi.

Lyeo esa bunga chidolmadi va musiqani o‘chirmasang, oyog‘ingni sindiraman deb baqirdi. Dani esa Chempionlar ligasi finalini yutqazsa ham, unda uchta kubok qolishini, Bonuchchida esa birortasi yo‘qligini aytdi. Shundan so‘ng, har ikkalasi ham quyushqondan chiqib ketdi. Leo Danini yoqasidan ushlab, urmoqchi bo‘lib turganida, Allegri ularning orasiga tushdi va janjalni kim boshlaganining unga ahamiyati yo‘qligini, o‘yindan so‘ng, har ikkalasini ham haydab yuborishini aytdi. Bu juda to‘g‘ri qaror edi.

Dani Alves bilan Bonuchchining ketishini xotirjam qabul qildik. Hozir jamoada muhit juda yaxshi, janjal ham, baland ovozli musiqalar ham yo‘q. Bu narsalar bizga har doim halaqit berib kelgan edi» - dedi Manjukich Football Italia xabarida.