O‘zbekistonning amaldagi chempioni – Toshkentning “Lokomotiv” klubi Oliy Liga ikkinchi davrasiga munosib hozirlik ko‘rish maqsadida Belarus poytaxti Minsk shahrida o‘quv-mashg‘ulot yig‘ini tashkil etdi.
11 iyul sanasidan boshlab Minskda shug‘ullangan “temiryo‘lchilar” bugun ushbu xorij yig‘inini yakunlab Toshkentga qaytadi. “Lokomotiv” mazkur yig‘in davomida 3 ta nazorat uchrashuvi o‘tkazdi. Dastlab “Dnepr Mogilyov” jamoasi 4:1 hisobida taslim etilgan bo‘lsa, ikkinchi nazorat o‘yinida “Gomel” bilan 1:1 hisobida durang o‘ynaldi. So‘nggi uchrashuv esa “Slusk” klubiga qarshi kechdi va unda 3:0 hisobida g‘alabaga erishildi.
Shu tariqa, jamoa bugun Toshkentga qaytadi va futbolchilarga bir kunlik qisqa ta’til beriladi. So‘ngra “Lokomotiv” O‘zbekiston kubogi 1/4 final javob bahslari doirasidagi “Buxoro”ga qarshi bellashuvga hozirlikni boshlaydi.
