Birinchi liganing ikkinchi davrasiga tayyorgarlik ko‘rayotgan “Andijon” futbol klubi a’zolari ayni damda Toshkentda bo‘lib turibdi.
Ikkinchi davra oldidan, futbolchilar va murabbiylar poytaxtimizdagi Milliy olimpiya qo‘mitasi binosida joylashgan “Sport sog‘lomlashtirish markazi”da malakali shifokorlarning nazoratidan o‘tdi. Tibbiy ko‘rik chog‘ida hech kimning sog‘lig‘ida mummo aniqlanmadi.
Jamoa a’zolari bugun Andijonga qaytadi va rejaga muvofiq ertadan o‘z qarorgohida yig‘inni davom ettiradi.
Usmon Toshev boshqaruvidagi “Andijon” davralar oralig‘ida tarkibda e’tiborga molik o‘zgarishlarni amalga oshirdi. Tarkibga yangi futbolchilar jalb etilib, ayrim futbolchilarga javob berildi.
