Биринчи лиганинг иккинчи даврасига тайёргарлик кўраётган “Андижон” футбол клуби аъзолари айни дамда Тошкентда бўлиб турибди.

Иккинчи давра олдидан, футболчилар ва мураббийлар пойтахтимиздаги Миллий олимпия қўмитаси биносида жойлашган “Спорт соғломлаштириш маркази”да малакали шифокорларнинг назоратидан ўтди. Тиббий кўрик чоғида ҳеч кимнинг соғлиғида муммо аниқланмади.

Жамоа аъзолари бугун Андижонга қайтади ва режага мувофиқ эртадан ўз қароргоҳида йиғинни давом эттиради.

Усмон Тошев бошқарувидаги “Андижон” давралар оралиғида таркибда эътиборга молик ўзгаришларни амалга оширди. Таркибга янги футболчилар жалб этилиб, айрим футболчиларга жавоб берилди.