«Barselona» hujumchisi Neymarning «PSJ» klubiga o‘tishi bilan bog‘liq mashmashalar avjiga chiqmoqda.

Bu borada jamoadoshlari ham, raqiblari ham Neymardan maslahatini ayamayapti.

Diario Gol xabariga ko‘ra, «Real» hujumchisi Krishtianu Ronaldu telefon orqali yozishmalarda Neymarga «Kamp Nou»da qolishni va faoliyatida orqaga qadam tashlamaslikni maslahat bergan. Ma’lumki, jamoalarining ashaddiy raqib bo‘lishiga qaramay, futbolchilar o‘zaro do‘stona munosabatlarga ega.

Eslatib o‘tamiz, «PSJ» Neymarni xarid qilishi uchun 222 mln yevrodan voz kechishi kerak bo‘ladi.