Angliyaning "Manchester Siti" klubi bosh murabbiy Pep Gvardiolaning o‘yin uslubiga moslashib borayotganini namoyish qilmoqda. Jamoa Xalqaro chempionlar kubogi doirasida navbatdagi o‘yinda ham yirik hisobda g‘alaba qozondi. Bu safar "Tottenxem" "shaharliklar" bosimiga dosh bera olmadi.

Bahsning 10-daqiqasida Jon Stounz hisobni ochgan bo‘lsa, ikkinchi bo‘limda "Siti" raqib darvozasiga yana 2 marta yo‘l topdi. Rahim Sterling va Brahim Dias "shporlar" darvozasiga yo‘l topishdi.

International Champions Cup, Neshvill, AQSH
Manchester Siti Angliya – Tottenxem Angliya 3:0 (1:0, 2:0)
30 iyul, 03.05, «LP Field»
Gollar: 1:0 – 10 Stounz, 2:0 – 72 Sterling, 3:0 – 90 Brahim Dias.
Manchester Siti – Ederson (Murich, 79), Stounz (Adarabioyo, 74), Otamendi, Danilo (Sane, 74), Kompani (Mangalya, 59), Sterling (Braim Dias, 79), de Bryuyne (Nasri, 59), Fernandinyo (Ture, 60), Silva (Foden, 59), Uoker (Dyueyni, 75), Gabriel Jezus (Aguero, 60).
Tottenxem – Lyoris (Vorm, 46), Alderveyreld, Vertongen (Vimmer, 70), Trippyer (Uoker-Piters, 79), Devis, Dembele (Nkudu, 54), Uinks (Oukli-But, 71), Eriksen, Dayer, Alli (YAnssen, 70), Keyn.
Ogohlantirishlar: Kompani (55).