Oliy Liga musobaqa jadvali karvonboshisi – “Lokomotiv” o‘z safini mahoratli futbolchilar bilan to‘ldirishda davom etadi.
Joriy yilgi mavsumning ilk qismini Qatarning “Al Sailiya” jamoasi tarkibida o‘tkazgan o‘zbekistonlik tajribali yarim himoyachi Sanjar Shoahmedov mavsumning ikkinchi qismida o‘zi uchun qadrdon “Lokomotiv” safida to‘p suradigan bo‘ldi. Bugun har ikki tomon o‘zaro kelishuvga ko‘ra shartnomaga imzo chekishdi. Shu tariqa, 2015-2016 yillarda “Lokomotiv” safida mazmunli o‘yin namoyish etib, so‘ngra faoliyatini xorijda davom ettirgan Shoahmedov yana “temiryo‘lchi”ga aylandi.
