Oliy liga 16-turidan o‘rin olgan «Dinamo» - «Metallurg» (0:3) uchrashuvidan keyin, «Dinamo» bosh murabbiyi Oleg Tyulkin o‘z fikrlarini aytdi.

«Afsuski, bugun «Metallurg» xatolarimizni ayamadi. Uchrashuv davomida raqib bizdan ancha yaxshi harakat qildi va imkoniyatlaridan unumli foydalandi. Haqli g‘alaba bilan ularni tabriklayman. Hakamlarga hech qanday e’tirozim yo‘q. Uchrashuv juda asabiy kechgani ham futbolchilarga ta’sir qildi. Bugun biz maydonda o‘z o‘yinimizni ko‘rsata olmadik. Muxlislarimizdan uzr so‘rayman. Yigitlarimizda negadir bosim kuchli bo‘ldi. Bugun ham «Bunyodkor»ga qarshi to‘p surgan taktikada o‘ynagan edik, ammo tezkor goldan keyin rejalarimiz o‘zgardi. Xatolarimizni tahlil qilib chiqamiz. Keyingi uchrashuvlar uchun ertadanoq yeng shimarib tayyorgarlik ko‘ramiz. «Dinamo» hali o‘z so‘zini aytadi» - dedi Oleg Tyulkin.