O‘zbekiston Milliy Paralimpiya Assosiasiyasida para-dzyudo bo‘yicha turnir bo‘lib o‘tdi.

O‘zbekiston Ko‘zi ojizlarlar jamiyati markaziy boshqaruvi bilan hamkorlikda o‘tkazilgan Respublika birinchiligida 70ga yaqin sportchi ishtirok etdi. Rio de Janeyroda bo‘lib o‘tgan so‘nggi Paralimpiya o‘yinlari ko‘rsatib berganidek, yurtimiz para-dzyudochilari bugungi kunda dunyoda yetakchi hisoblanishadi. Yetakchilikni saqlab qolishga harakat qilayotgan O‘zbekiston para-dzyudo terma jamoasi o‘z tarkibiga muntazam ravishda yangi istedodlarni jalb qilib kelmoqda. 8 avgust kuni bo‘lib o‘tgan Respublika birinchiligini o‘tkazishdan ko‘zlangan maqsad ham ham ana mahoratli sportchiliarni aniqlab olish bo‘ldi.

Respublika birinchiligida 7 ta vazn toifasida g‘olib va sovrindorlar aniqlandi. G‘olib va sovrindorlar ushbu musobaqada taqdirlanish bilan birga kelajakda bo‘lib o‘tadigan xaldqaro turnirlarda terma jamoa safida ishtirok etish imkoniyatini qo‘lga kiritishdi.