O‘zim jurnalist emasman, ammo jurnalistikaga qiziqishim balandi. Jurnalist aka-ukalarimiz, ayniqsa, futbol jurnalistlarimiz va sharhlovchilarimiz tomonidan yozilgan maqolalarni doimo qiziqish bilan o‘qib boraman.
Ushbu chiqishimda futbol jurnalistikasi haqida emas, aynan sharhlovchilar haqida o‘z mulohazalarimni bildirishga jazm etdim.
Har bir ustozning o‘z muhri bo‘ladi. Shogirdlarining qaysidir harakatlari ustozini eslatib yuboradi. Shunday shogirdlarni «ustoz ko‘rgan shogird», deyish mumkin. Ammo mening nazarimda, «Sport» telekanalida sharhlayotgan ko‘plab futbol sharhlovchilarimizning ustozlari yo‘qdek. Aynan mana shu yerda saviya, ustoz muhri sezilib qoladi.
Ekrandagi futbol tempiga mos sharhlamay, pastlashish, qiziqarli o‘yinlarni saviyasiz sharhlash, o‘yindan chetga chiqish, ko‘p minglab sonli muxlislarning e’tirozlariga sabab bo‘lmoqda. Shu sababli ham ko‘plab yurtdoshlarimiz Yevropa futbolini Rossiya kanallari orqali ko‘rishadi. U yerda harqalay, ancha qiziqroq va jo‘shqinroq sharhlashadi.
Shu o‘rinda yana bir muammoni, futbol sharhlovchilarimiz tomonidan o‘z ishiga yurakdan yondashilmasligi sababli ko‘pchilik e’tibor bermagan qimor illati, to‘g‘rirog‘i, totalizator yurtimizga kirib kelayotganini aytib o‘tmoqchiman.
«Bizga nima aloqasi bor?» deb hayron bo‘lmang, hozir tushuntiraman.
Avvalari etibor bermasdim,
