«Barselona» himoyachisi Jerar Pike «Real»ga qarshi Ispaniya superkubogi bahsi oldidan o‘z fikrlari bilan o‘rtoqlashdi.

«Jamoa o‘zini yaxshi his qilmoqda. Ispaniya superkubogini qo‘lga kiritishga ishonchimiz komil. «Real»ga qarshi har qanday o‘yin o‘ziga xos ahamiyatga ega. Raqibimiz bizga nisbatan ko‘proq sovrinni qo‘lga kiritsa, demak, vaziyatni o‘zgartirish kerak.

Klubimiz o‘z kuchini yo‘qotib qo‘ygani yo‘q. Agar yangi futbolchilar bilan shartnoma imzolasak, tarkibimiz uzunroq bo‘ladi», – dedi Pike.

«Barselona» va «Real» o‘rtasidagi Ispaniya superkubogi doirasidagi dastlabki o‘yin 13 avgust kuni «Kamp Nou»da, javob bahsi – 16 avgust kuni «Santyago Bernabeu»da bo‘lib o‘tadi.