"Real" klubi yetakchilaridan biri Luka Modrich bugun bo‘lib o‘tadigan "Barselona"ga qarshi Ispaniya superkubogining dastlabki o‘yinida ishtirok eta olmaydi.
Gap shundaki, xorvatiyalik futbolchi 2014 yili bo‘lib o‘tgan Ispaniya superkubogi doirasida "Atletiko"ga qarshi o‘yinda qizil kartochka olgandi (o‘shanda "Atletiko" ikkita o‘yin natijasiga ko‘ra Superkubokni qo‘lga kiritgan — 1:0, 1:1). Shu bois, Luka o‘sha diskvalifikasiyani endi o‘taydi. Modrichning o‘rnini Mateo Kovachich egallashi kutilmoqda.
Eslatib o‘tamiz, "Barselona" va "Real" o‘rtasidagi "Kamp Nou"dagi uchrashuv bugun tunda 01:00da start oladi.