«Real» hujumchisi Krishtianu Ronaldu Ispaniya superkubogi doirasida «Barselona»ga qarshi o‘yinda (3:1) hakamni turtgani uchun uzoq muddatga diskvalifikasiya qilinishi mumkin.

32 yoshli portugaliyalik futbolchi ikkinchi sariq kartochkani, ketidan qizil kartochkani olganidan keyin u bosh hakam Rikardo Bengoecheani ortidan turtdi. Hakam ushbu vaziyatni uchrashuv qaydnomasiga kiritdi: «Chetlatishdan keyin o‘yinchi norozilik sifatida yengil turtdi», – deya aks ettirdi hisobotda.

Ispaniya futbol federasiyasi reglamentiga ko‘ra, hakamni turtgani uchun futbolchi 4ta o‘yindan 12ta o‘yinga cha diskvalifikasiya qilinishi mumkin. Agar diskvalifikasiya kamida 5ta o‘yindan iborat bo‘lsa, u Ispaniyadagi barcha musobaqalar, jumladan, La ligaga tadbiq qilinadi.

4ta o‘yindan iborat diskvalifikasiya esa faqat Ispaniya superkubogiga tegishli bo‘ladi.