Joriy yilning 9-13 avgust kunlari Eron Islom Respublikasining Bojnurd shahrida kurash bo‘yicha yoshlar o‘rtasidagi Osiyo chempionati bo‘lib o‘tdi.

Qit’amizning 20 ta mamlakati vakillari ishtirok etgan musobaqada hamyurtlarimiz o‘zlari qatnashgan 5 ta vazn toifasining 3 tasida tengsiz deb topilishdi. Jumladan, Erkin Qozoqov (66kg), Madiyor Erkinov (73kg) hamda Suhrob Egamberdiyev  (+100kg) o‘z vazn toifalarida otin medal sohibiga aylanishdi. Bundan tashqari Bunyod Tursunov (81kg.) musobaqada ikkinchi o‘rinni qo‘lga kiritdi.

Qayd etish kerak, O‘zbekiston terma jamoasi umumjamoa hisobida turnir mezboni bo‘lgan Erondan so‘ng ikkinchi o‘rinni qo‘lga kiritdi. Bu boradagi uchinchi natija turkmanistonlik polvonlarga nasib etdi.

Endilikda, Kurash terma jamoamizning oldida Turkmaniston Ashhabod shahrida bo‘lib o‘tadigan Yopiq inshootlardagi Osiyo chempionati kutib turibdi.