O‘zbekiston Respublikasi Vazirlar Mahkamasining 2017 yil24 iyuldagi 797-f-sonli farmoyishiga asosan joriy yilning 11-13 avgust kunlari Toshkent shahridagi Universal sport saroyida Taekvondo (WTF) bo‘yicha Butunjahon taekvondo federasiyasi prezidentining birinchi kubogi – Osiyo mintaqasi musobaqasi yuqori saviyada o‘tkazildi.

Mazkur musobaqada dunyoning 18 ta mamlakatidan 573 nafar ishtirokchilar (Finlandiya, Rossiya, Janubiy Koreya, Xitoy, Hindiston, Eron va boshqalar) jami 36 ta vazn toifasida, yoshlar, o‘smirlar va kattalar o‘rtasida jami 224 ta medallar uchun bahs olib bordilar.

Murosasiz o‘tgan ushbu musobaqalarda ishtirok etgan 294 nafar milliy terma jamoa a’zolarimiz 96 ta, shundan 26 ta oltin, 22 ta kumush va 48 ta bronza medallarini qo‘lga kiritib, umumjamoa hisobida O‘zbekiston birinchi o‘rinni egalladi. Shuningdek, musobaqalarda umumjamoa hisobida Qozog‘istondan kelgan sportchilar 2-o‘rinni va Janubiy Koreya sportchilari 3-o‘rinni egalladi.