Ўзбекистон Республикаси Вазирлар Маҳкамасининг 2017 йил24 июлдаги 797-ф-сонли фармойишига асосан жорий йилнинг 11-13 август кунлари Тошкент шаҳридаги Универсал спорт саройида Таэквондо (WТФ) бўйича Бутунжаҳон таэквондо федерацияси президентининг биринчи кубоги – Осиё минтақаси мусобақаси юқори савияда ўтказилди.

Мазкур мусобақада дунёнинг 18 та мамлакатидан 573 нафар иштирокчилар (Финландия, Россия, Жанубий Корея, Хитой, Ҳиндистон, Эрон ва бошқалар) жами 36 та вазн тоифасида, ёшлар, ўсмирлар ва катталар ўртасида жами 224 та медаллар учун баҳс олиб бордилар.

Муросасиз ўтган ушбу мусобақаларда иштирок этган 294 нафар миллий терма жамоа аъзоларимиз 96 та, шундан 26 та олтин, 22 та кумуш ва 48 та бронза медалларини қўлга киритиб, умумжамоа ҳисобида Ўзбекистон биринчи ўринни эгаллади. Шунингдек, мусобақаларда умумжамоа ҳисобида Қозоғистондан келган спортчилар 2-ўринни ва Жанубий Корея спортчилари 3-ўринни эгаллади.