«Everton» bosh murabbiyi Ronald Kuman APLning 2-turi doirasida bo‘lib o‘tgan «Manchester Siti»ga qarshi o‘yin (1:1) borasida o‘z fikrlari bilan o‘rtoqlashdi.
«Biz golga tortadigan yaqqol vaziyatlarni ko‘p yaratmadik. Raqib o‘yinda ustunlikka ega bo‘ldi va yaxshi qarshi hujumlar tashkil qildi. Lekin biz bir nechta ajoyib imkoniyatlarga ega bo‘ldik.
Men Runining o‘yinidan hayron qolmadim. U «Everton»ga qo‘shilishni qanchalik istaganini bilaman. U jamoaga qaytganidan xursandman.
O‘ylaymanki, futbolchining maydondan chetlatilishi asosli bo‘ldi. Shnayderlin to‘yga o‘ynagandi. Uokerning ikkinchi sariq kartochkasi bilan bog‘liq vaziyatni ko‘rmadim.
Bunday o‘yinlarda ishlash hakamlar uchun og‘ir. O‘yin yuqori tezlikda o‘tdi. Albatta, Uoker maydondan chetlatilgan paytda «Siti» futbolchilari hakamga bosim o‘tkazishga harakat qilishdi.
Tarkibni kuchaytirishimiz kerak. Bizga markaziy himoyachi, qanot himoyachisi va hujumchi zarur», – dedi Kuman.