"Barselona" afsonasi Xavi "ko‘k-anorranglilar" safiga qo‘shilishi kutilayotgan Jane-Mishele Seri haqida ijobiy fikrlar bildirib o‘tdi.

"Nissa" safida "afrikalik Xavi" ismli futbolchi borligini bilganimda, uning ishtirokidagi ko‘p o‘yinlarni kuzata boshladim. U haqda hech narsa bilmasdim. Ammo uning xatti-harakatlarini ko‘rganimdan keyin qoyil qoldim. Axir maydon markazida o‘ynay oladigan iqtidorli futbolchini topish qiyin. Unda barcha narsa bor: uzun pas, qisqa pas, taktik jihatdan o‘yinni olib borish, olis masofadan zarba, o‘yinni tashkil qilish, sifatli so‘nggi pas.

U "Barselona" juda mos kelardi. U maydon markazining istalgan joyida o‘ynay oladi. Seri — ajoyib futbolchi. Ortiqcha maqtovlarsiz aytishim mumkinki, unda "Barselona" DNKsi bor", – dedi Xavi.