"Barselona" hujumchisi Munir El-Haddadi faoliyatini "Roma"da davom ettirishni istamoqda.

Ayni paytda, rimliklar 21 yoshli futbolchini bir yildan so‘ng sotib olish majburiyati bilan ijaraga olishni rejalashtirmoqda. Biroq, kataloniyaliklar Munir bo‘yicha "Kristal Pelas" va "Zenit" tomonidan foydali taklif olgan.

Ma’lumki, Munir o‘tgan mavsumni "Valensiya"da ijara asosida o‘tkazgan, biroq "Valensiya" uni sotib olishni istamagan edi.

Hujumchi Ispaniya chempionatida 34 uchrashuvda maydonga tushib, 6 ta gol urgan va 3 ta golli uzatmani amalga oshirgan.