«Barselona» futbolchilari va murabbiylari shtabi klub rahbariyatining tanqidiga o‘ziga xos tarzda javob qaytardi.
Avvalroq, rahbariyat Neymar bilan birga tushgan fotosuratlarini ijtimoiy tarmoqlarga joylayotgan futbolchilar va murabbiylarni qattiq tanqid ostiga olgan edi.
Bunga javoban, «Barselona» futbolchilari va murabbiylari mashg‘ulotlardan so‘ng, Gava shaharchasi restoranida katta ziyofat uyushtirgan va jamoaning ahil ekanini namoyish qilgan.
Eslatib o‘tamiz, Ispaniya chempionatining 2-turida «Barselona» safarda «Alaves»ga qarshi o‘ynaydi.
