Belgiya terma jamoasi ustozi Roberto Martines navbatdagi o‘yinlar uchun Raja Naingollanni tarkibga jalb etmadi. Bundan norozi bo‘lgan Raja Naingollan murabbiyning qaroridan hafsalasi pir bo‘lgan va terma jamoadan ketish haqida o‘ylayapti.

O‘z navbatida Roberto Martines qarorini quyidagicha izohlagan: “Bu hech qanday ishonchsizlik emas, men shunchaki boshqa variantni tanladim, xolos”.

Quyida Belgiya terma jamoasining Gibraltar va Gresiya terma jamoalariga qarshi o‘yinlar uchun to‘liq tarkibi keltirilgan:

Darvozabonlar: Tibo Kurtua (CHelsi), Simon Minyole (Liverpul), Mats Zels (Anderlext), Kun Kastels (Volfsburg).

Himoyachilar: Tobi Alderveyreld, Yan Vertongen (ikkalasi ham Tottenxem), Loran Siman (Monreal Impakt), Leander Dendonker (Anderlext), Vensan Kompani (Manchester Siti), Tomas Menye (PSJ), Tomas Vermalen (Barselona), Jordan Lukaku (Lasio).

Yarim himoyachilar: Naser Shadli (Vest Bromvich), Kevin de Bryuyne (Manchester Siti), Stiven Defur (Bernli), Maruan Fellayni (Manchester Yunayted), Yuri Tilemans (Monako), Aksel Vitsel (Tyanszin Syuanszyan), Torgan Azar (Borussiya M), Yannik Ferreyra-Karrasko (Atletiko), Eden Azar (CHelsi).

Hujumchilar: Romelu Lukaku (Manchester Yunayted), Divok Origi (Liverpul), Mishi Batshuayi (CHelsi), Kevin Miralyas (Everton), Dris Mertens (Napoli), Kristian Benteke (Kristal Pelas).

Belgiya — Gibraltar o‘yini 31 avgustga mo‘ljallangan. Gresiyaga qarshi o‘yin esa 3 sentyabrda o‘tkaziladi.