Kataloniyaning “Barselona” klubi yangi a’zosi Usmon Dembele taqdimot marosimida noqulay holatga tushib qoldi.

Futbolchi kuni kecha Xitoydan kelgan Paulinyoning taqdimot marosimida ko‘rsatgan karomati ya’ni to‘pni “janklod” qilishni uddalay olmadi. Paulinyo taqdimot marosimida 4 marta to‘pni o‘ynata olgandi.

Shuningdek, Dembele to‘pni ikki marta oyog‘ida o‘ynatganidan so‘ng, uni boshidan o‘tkazmoqchi ham bo‘ldi. Ammo Usmon bu ishni ham uddalay olmadi.

Eslatib o‘tamiz, Usmon Dembele “Barselona”da PSJga ketgan Neymar o‘rniga sotib olindi. Transfer bahosi jami 145 million yevroni tashkil etib, dunyoning ikkinchi eng qimmat futbolchisiga aylandi.