Boks bo‘yicha jahon chempionatining chorak final yo‘llanmasi uchun janglarda yana bir hamyurtimiz muvaffaqiyatga erishdi.

81 kg.gacha bo‘lgan vazn toifasida Bektemir Meliqo‘ziyev rossiyalik Muslim Gadjimagomedovga qarshi ringga ko‘tarildi. Raqib bo‘y va qo‘llarining uzunligi jihatidan Bektemirga noqulaylik tug‘dirgan bo‘lsa-da, o‘zbek bokschisi raqibini taslim eta oldi.

Jangning yarmiga qadar rus bokschisi Meliqo‘ziyev bilan tengma-teng kurashishga qadar qildi, ammo to‘qnashuvning ikkinchi yarmida o‘zbekistonlik sportchi o‘z ustunligini namoyish qildi. Natija Bektemir 4:1 hisobida g‘alabani rasmiylashtirdi.

Chorak finalda Meliqo‘ziyevga qozog‘istonlik Yerik Aljanovga raqiblik qiladi.

Shu tariqa, barcha 10 vaznda ishtirok etayotgan o‘zbekistonlik bokschilarning 9 nafari chorak finalga chiqdi.