Бокс бўйича жаҳон чемпионатининг чорак финал йўлланмаси учун жангларда яна бир ҳамюртимиз муваффақиятга эришди.
81 кг.гача бўлган вазн тоифасида Бектемир Мелиқўзиев россиялик Муслим Гаджимагомедовга қарши рингга кўтарилди. Рақиб бўй ва қўлларининг узунлиги жиҳатидан Бектемирга ноқулайлик туғдирган бўлса-да, ўзбек боксчиси рақибини таслим эта олди.
Жангнинг ярмига қадар рус боксчиси Мелиқўзиев билан тенгма-тенг курашишга қадар қилди, аммо тўқнашувнинг иккинчи ярмида ўзбекистонлик спортчи ўз устунлигини намойиш қилди. Натижа Бектемир 4:1 ҳисобида ғалабани расмийлаштирди.
Чорак финалда Мелиқўзиевга қозоғистонлик Ерик Алжановга рақиблик қилади.
Шу тариқа, барча 10 вазнда иштирок этаётган ўзбекистонлик боксчиларнинг 9 нафари чорак финалга чиқди.