«Atletiko» klubi «Chelsi» hujumchisi Diyego Kostani ortga qaytarish bo‘yicha harakatlarni davom ettirmoqda. Klublar bugun 28 yoshli futbolchining transferi borasida muzokaralarni davom ettirishadi.

Avvalroq «Atletiko» Kosta uchun «Chelsi»ga 43 million yevro va qo‘shimcha 11 mln yevro miqdorida bonus taklif qilgani haqida xabar tarqalgan bo‘lsa-da, manbaga ko‘ra, vaziyat og‘ir bo‘lib turibdi.

Hattoki, transfer amalga oshgan taqdirda ham, «Atletiko» FIFAning taqiqi tufayli futbolchini yanvar oyiga qadar ro‘yxatdan o‘tkaza olmaydi.

Eslatib o‘tamiz, Ispaniyada transfer oynasi 1 sentyabr kuni tunda yopiladi.