"Lester" yarimhimoyachisi Riyoz Mahrezning jamoani tark etish uchun qilgan say’-harakatlari bekor ketdi.
The Telegraph xabariga ko‘ra, futbolchi Jazoir terma jamoasi qarorgohini tark etib, mahfiy transfer uchun Yevropaga yo‘l olgan edi. Uni hatto Barselona aeroportida ham uchratib qolishgandi. Biroq, kataloniyaliklar Mahrezning xizmatiga qiziqish bildirmayotganini e’lon qildi. Shundan so‘ng, uning "Chelsi"ga o‘tishi haqida gap-so‘zlar chiqdi, ammo bu ham amalga oshmadi.
Endi u "Lester" qarorgohiga qaytadi.
