«Barselona» klubi sobiq himoyachisi va hozirda «Sporting» a’zosiga aylangan Jeremi Matyo yangi jamosidagi ilk kechinmalar va chekish haqidagi savollarga javob qaytardi.
«O‘zimni «Sporting»da yaxshi his qilmoqdaman. Portugaliya chempionatida Ispaniyadagi kabi bosim yo‘q. Avvallari jismoniy holatimda muammolar bor edi, biroq hozirda o‘zimni yaxshi his etmoqdaman. O‘ynashga tayyorman.
Chekish? Faqat haqiqatni gapiradigan odamman. Menda hech qanday muammo yo‘q. Chekishga keladigan bo‘lsak: tamaki chekadigan birinchi yoki oxirgi futbolchi emasman. Biroq odamlar mening maydondagi holatimdan qoniqmoqdalar» - deydi Matyo.
