JCH-2018 saralashi "A" guruhidagi Eron - Suriya o‘yini shiddatli tarzda kechdi.
Dastlab, hisob mehmonlar tomonidan ochildi. Tamir Xaj 13-daqiqada Eron darvozasini ishg‘ol etdi. Shundan so‘ng Sardor Azmun ikki gol urib, mezbonlarni hisobda oldinga olib chiqdi. Hakam tomonidan qo‘shib berilgan daqiqalarning so‘nggisida Suriya qarshi hujum uyushtirdi va Soma raqib darvozasini ishg‘ol qilib, terma jamoasiga durang natijani keltirdi.
O‘zbekiston va Janubiy Koreya o‘yinida ham durang natija qayd etilgach, Suriya terma jamoasi to‘plar nisbatiga ko‘ra bizdan o‘zib ketib, pley-off yo‘llanmasiga ega bo‘ldi.
Endi suriyaliklar "V" guruhida uchinchi o‘rinni egallagan jamoa bilan bellashadi.
JCH-2018 saralashi.
Eron – Suriya 2:2 (1:1, 1:1)
5 sentyabr, «Azadi Stadium»
Gollar: 0:1 – 13 Tamir Xaj, 1:1 – 45 Azmun, 2:1 – 64 Azmun, 2:2 – 90+5 As-Soma.
Eron – Beyranvand, Rizoyon, Muhammadiy, Ansoriy (Purg‘oz, 57), Xojisafiy, Dejaga, Puraliganjiy, Karimiy (CHashmiy, 46), Jahonbaxsh (Amiriy, 76), Azmun, Torimiy.
Suriya – Alma, Ajan, Al-Masriy, As-Solix, Ash-SHibliy, Tamir Xaj, Al-Mavas (Kalfa, 81), Al-Midaniy (Mardikyan, 67), As-Soma, Xraybin, Al-Xatib (Mido, 60).
Ogohlantirish: Xojisafiy (45), Al-Masriy (45), Torimiy (85).
