Qozog‘istonning Talgar shahrida 2001 yilda tavallud topgan futbolchilar o‘rtasida “Qozog‘iston prezidenti kubogi” turniri o‘z nihoyasiga yetib bormoqda.
Kecha, 7 sentyabr kuni Dilshod Nuraliyev bosh murabbiyligidagi O‘zbekiston o‘smirlar termasi Qozog‘iston-2 jamoasiga qarshi bahs olib borib, 2:2 hisobida durang o‘ynadi. Guruhda Rossiyadan keyin ikkinchi o‘rinni egallagan O‘zbekiston U-16 termasi bugun Qozog‘iston o‘smirlariga qarshi 3-o‘rin uchun kuch sinashadi.
Eslatib o‘tamiz, dastlabki turda Dilshod Nuraliyev shogirdlari Rossiyaga 0:2 hisobida yengilgan bo‘lsa, ikkinchi o‘yinda Tojikiston o‘smirlari 3:1 hisobida taslim etilgandi.
“Qozog‘iston prezidenti kubogi”
Talgar, Qozog‘iston
7 sentyabr, payshanba
Qozog‘iston-2 – O‘ZBEKISTON 2:2
Qirg‘iziston – Albaniya 1:4
Tojikiston – Rossiya 0:2
Qozog‘iston – Gruziya 4:4
8 sentyabr, juma
7-o‘rin uchun. Qozog‘iston-2 – Qirg‘iziston
5-o‘rin uchun. Albaniya - Tojikiston
3-o‘rin uchun. Qozog‘iston – O‘ZBEKISTON
FINAL. Rossiya – Gruziya
