Kataloniyaning «Barselona» klubi bosh murabbiyi Ernesto Valverde jamoasining YECHL startidan o‘rin olgan «Yuventus»ga qarshi bahsi haqida o‘z fikrlarini bildirdi.
«Yuventus»ning juda ham kuchli jamoa ekanini bilamiz. Ammo maqsadimiz faqat g‘alaba qozonish. O‘tgan mavsum ular «Barselona»ga juda ko‘p muammolar yaratgandi. Shunday ekan biz hushyorlikni yo‘qotmasligimiz lozim.
Umuman, ikki kuchli jamoa ijrosidagi qiziqarli va jiddiy bahsni kutyapman. Bu guruh bosqichidagi eng muhim o‘yinmiz bo‘ladi.
Aytish mumkinki chempionatdagi ajoyib g‘alabadan so‘ng, bu uchrashuvni katta ishtiyoq bilan kutmoqdamiz. Hozir jamoamizda hammasi joyida. Maqsadimiz uch ochko ishlash» – dedi Valverde.
