"Barselona" hujumchisi Lionel Messi juda ko‘p vaqtdan buyon Janluiji Buffonga gol urolmay kelayotgandi.
Kecha, YECHL 1-turida futbolchi nihoyat bu noxush an’anaga chek qo‘ydi.
Biroq, Chempionlar ligasida Messidan gol o‘tkazmagan yana bir darvozabon paydo bo‘ldi.
"Rubin" klubi matbuot xizmati xabariga ko‘ra, qozonliklar posboni Sergey Rijikov bu ishni uddalagan yagona darvozabon bo‘lib turibdi.
Shu paytgacha "Rubin" "Barselona" bilan 4 marta uchrashgan bo‘lsa, 1 g‘alaba, 2 durang va 1 mag‘lubiyatga uchragan. Rijikov bu o‘yinlarda Messidan gol o‘tkazmagan.
