“Xetafe” himoyachisi Faychal Fayr Ispaniya chempionati 4-turida “Barselona”ga qarshi kechadigan o‘yin oldidan fikr bildirdi.

“Bolaligimdan dunyoning eng kuchli klublaridan biriga qarshi o‘ynashni istardim. “Barselona” — bu “Barselona”. To‘g‘ri, biz bu jamoani mag‘lub etganmiz, ammo bu hech narsani anglatmaydi.

“Barselona” Messisiz qanday o‘ynaydi? Bu savolga javob berish mushkul. Ochig‘i, “Barselona”ning Messisiz nimalarga qodirligini bilishni istardik. Biroq Messi bo‘lmaganda ham jamoada Suares, Buskets, Maskerano kabi muhim futbolchilar bor”, dedi Fayr.