Italiya chempionatining 4-turi doirasida "Roma" o‘z maydonida "Verona"ni qabul qilib, yirik hisobda g‘alaba qozondi.

Uchrashuvning 22-daqiqasida Nainggolan aniq zarba bilan hisobni ochgan bo‘lsa, oradan 11 daqiqa o‘tib Jeko hisobdagi farqni oshirdi. Ikkinchi bo‘limda Edin Jeko o‘z hisobiga yana bitta gol yozdi, rimliklarning yirik hisobdagi g‘alabasini ta’minladi.

Ushbu g‘alabadan keyin "Roma" o‘z ochkolarini 6taga yetkazib oldi. Rimliklar hisobida bitta qoldirilgan o‘yin borligini ta’kidlash lozim.

Italiya A seriyasi, 4-tur
Roma – Verona 3:0 (2:0, 1:0)
Gollar: 1:0 – 22 Nainggolan, 2:0 – 33 Djeko, 3:0 – 61 Djeko.
Roma – Alisson, Florensi, Manolas (Moreno, 79), Fasio, Kolarov, Pellegrini, de Rossi, Nainggolan (SHik, 75), Under (Jerson, 75), Djeko, El-SHaaravi.
Verona – Nikolas, Kaseres, Ferrari, Erto, Suprean, Sukulini (Fossati, 75), Byuxel (Verde, 58), Bessa, Romulo, Kin (Passini, 64), Valoti.
Ogohlantirishlar: Suprean (45), Valoti (53), de Rossi (73).
Chetlatish: Suprean (66).