Kecha, 16 sentyabr kuni Turkmaniston poytaxti Yopiq inshootlarda va jang san’atlari bo‘yicha V Osiyo o‘yinlari boshlandi.

Musobaqaning ilk kunida eng katta delegasiya bilan ishtirok etayotgan o‘zbekistonlik sportchilar jami 13 ta medalni qo‘lga kiritishdi. Shulardan 2 tasi oltin medallardir.

Oltin medallarni kurashchilarimiz Obidali Mavlonov hamda Ilhomjon Mashrapov taqdim etishdi. Birinchi kun yakunlariga ko‘ra, O‘zbekiston terma jamoasi 2 ta oltin, 3 ta kumush va 8 ta bronza medal bilan umumjamoa hisobida ikkinchi o‘rinni egallab turibdi.

Musobaqa mezboni Turkmaniston terma jamoasi ilk kungi bahslarda 16 ta, 14 ta kumush, 7 ta bronza medalni qo‘lga kiritishdi. Kuchli uchlikka Tailand terma jamoasi yakun yasagan. 

Bugun mazkur Osiyo o‘yinlarining ochilish marosimi bo‘lib o‘tadi. “Balich Worldwide Shows” kompaniyasi tomonidan tashkil etilayotgan marosim so‘nggi yillarning eng chiroyli tadbirlaridan biri bo‘lishi kutilyapti.

Italiyalik tadbirkor Marko Balich tomonidan asos solingan mazkur kompaniya katta sportdagi faoliyatini Turinda bo‘lib o‘tgan qishki olimpiya o‘yinlaridan boshlagan. Undan keyin tashkilot Sochi-2014 va Rio-2016 o‘yinlarini yuqori saviyada o‘tishini ham ta’minladi. Ashxobod-2017 ulardan-da o‘tadigan tarzda bo‘lishi rejalashtirilgan.

Shuningdek, O‘zbekiston Prezidenti Shavkat Mirziyoyev mazkur marosimda ishtirok etadi. Prezident Yopiq inshootlarda va jang san’atlari bo‘yicha V Osiyo o‘yinlariga ko‘rilgan tayyorgarlik ishlariga yuksak baho berdi.