“Lokomotiv” navbatdagi uchrashuvini tarkibda bir qator yetakchilarsiz o‘tkazadi.

Jumladan, jamoa to‘purari Marat Bikmayev hisobida sariq kartochkalari soni ortib ketgani bois “Paxtakor” bilan bo‘ladigan uchrashuvda ishtirok eta olmaydi.

Mahoratli futbolchi bunga qadar “Mash’al” (1-tur), “Sho‘rtan” (5-tur), “Paxtakor” (7-tur) hamda “Nasaf” (21-tur) jamoalariga qarshi o‘tgan o‘yinlarda hakamlar tomonidan ogohlantirish olgan edi.

Shu sababli milliy chempionatimiz to‘purarlar bahsi yetakchisi navbatdagi o‘yinda jamoamizga yordam bera olmaydi. Ta’kidlash joizki, Bikmayevning hisobida ayni paytda Oliy Liga-2017da kiritilgan 17ta gol mavjud.