“Arsenal” klubi yarim himoyachisi Mesut O‘zil Angliya Liga kubogining 3-turi doirasida "Donkaster Rovers" jamoasiga qarshi o‘yinda qatnashmaydi.

Germaniyalik futbolchi APLning 5-turi doirasida "Chelsi"ga qarshi bahsda ham qatnashmadi.

“Mesut yana mashg‘ulotlarga qaytdi, biroq o‘yinda qatnashmaydi. Uning tizzasida shishlar bor", - deydi Venger.

Vengerning so‘zlariga ko‘ra, jamoaning tarkibi Yevropa Ligasidagi "Kyoln"ga qarshi o‘yindagi kabi bo‘ladi.

“Arsenal”–“Donkaster Rovers” jamoalari o‘rtasidagi o‘yin 20 sentyabr kuni “Emireyts” stadionida Toshkent vaqti bilan 23:45 da start oladi.