“Manchester Siti” jamoasi bosh murabbiyi Xosep Gvardiola jamoa yarim himoyachisi Ilkay Gyundoganning “Vest Bromvich Albion”ga qarshi uchrashuv (2:1) da olgan jarohati haqida gapirdi.

Eslatib o‘tamiz, Gyundogan uchrashuvning 59-daqiqasida jarohat olib maydonni tark etgandi.

“Ilkay uchun bu juda yomon holat, o‘ylaymanki u yaqin orada safga qaytadi. Uning tizzasida kichik jarohatlar mavjud. Lekin umid qilaman avvalgi jarohatidak bo‘lmasin”, — deydi Gvardiola.

26 yoshli germaniyalik futbolchi avvalroq jarohat olib, 9 oy maydonga tusha olmagandi.