Oliy liganing 22-turidan o‘rin olgan "Obod" - "Nasaf" uchrashuvidan keyin mezbonlar ustozi Andrey Demchenko o‘z fikrlari bilan o‘rtoqlashdi.

- "Nasaf" ishtirokidagi uchrashuvlarni ko‘rib chiqqandik, ammo bugun men o‘z jamoamning o‘yiniga tushunmadim. Himoyachilarimiz tomonidan yo‘l qo‘yilgan xatolar...

Bilmadim, hozir qon bosimim oshib turibdi. Men bir narsani bilaman, o‘yinchiga tajriba yetishmasligi mumkin, bu futbol, bunaqasi uchrab turadi, biroq har qanday raqibga qarshi bahsda hech bo‘lmasa yugurib, uni o‘zi xohlagan o‘yinini namoyish qilishiga halaqit bersa bo‘ladi.

Avvalgi uchrashuvlarda mazmunliroq o‘ynagandik, shundan kelib chiqib, hammasi izga tushib ketishiga va yigitlar o‘zlariga bo‘lgan ishonchni ortishlariga ishongandim. Ammo bugun biz... hayronman.

Maqsadimiz oliy ligada qolish yoki hech bo‘lmaganda "o‘tish o‘yini"da qatnashish imkoniyatini beruvni o‘rinni egallash, keyin shunga qarab reja tuziladi. O‘ylaymanki, buni uddalay olamiz. Hali bizni o‘zimizning saviyamizdagi raqiblar bilan o‘yinlar kutib turibdi.