«Chelsi» yarim himoyachisi Koul Palmer faoliyatini Ispaniyada davom ettirishi mumkin.
Caught Offside nashri xabariga ko‘ra, «Barselona» ingliz futbolchisini o‘z safiga qo‘shib olishdan manfaatdor. Kataloniya klubi yozgi transfer oynasi vaqtida futbolchining transferi bo‘yicha taklif bilan chiqish haqida o‘ylamoqda.
Koul Palmer 2023 yilda «Manchester Siti»dan «Chelsi»ga 47 million yevro evaziga o‘tgan edi. Uning «ko‘klar» bilan tuzgan shartnomasi 2033 yilning 30 iyuniga qadar mo‘ljallangan. 2025/26 yilgi mavsumda yarim himoyachi London klubi safida barcha turnirlarda 34 ta o‘yinda maydonga tushib, 11 ta gol urdi va 3 ta golli uzatmaga mualliflik qildi. Transfermarkt portali Palmerning narxini 100 million yevro deb baholamoqda.
