«Liverpul» sobiq yarimhimoyachisi Stiven Jerrard yarimhimoyachi Filippe Koutinyoni klub qanday qilib saqlab qolishi mumkinligi haqida fikr bildirdi.

«Liverpul» Koutinyoni qanday qolishi mumkin? Ibodat qilib. Filippe janubiy amerikalik va o‘sha yerdagi asosiy futbolchilar singari «Barselona»ga o‘tishni orzu qiladi. Bu yerda yagona masala «Barselona» uni sotib olish uchun yana harakat qiladimi, yo‘qmi, shunda qolmoqda. «Liverpul» uni uzoqroq muddat olib qolishni istashi aniq. Ammo bu juda qiyin ish.

Koutinyo maydonda aqlbovar qilmas vaziyatlar yarata oladi. U jahon darajasidagi futbolchi. Agar bunday bo‘lmaganida «Barselona» buncha ko‘p pul va’da qilmagan bo‘lardi. «Liverpul» iloji boricha Filippeni saqlab qolishga harakat qilishi kerak. Koutinyo va Mane bilan Premyer-ligada yangi ajoyib jamoa tuza olish mumkin», — deya Jerrardning so‘zlarini keltiradi Goal.com.