O‘zbekiston chempionatining 19-turida qoldirilgan uchrashuvlardan biri Jizzaxda bo‘lib o‘tdi va «So‘g‘diyona» chempionlik uchun imkoniyat saqlab qolgan «Nasaf»ni qabul qildi.
Uchrashuvning 35 va 36 daqiqalarida Igor Golban va Jasur Hasanov tomonidan kiritilgan gollardan so‘ng mehmonlar birinchi bo‘limni ishonchli g‘alaba bilan yakunladi. Ikkinchi bo‘limda esa Islom Kenjaboyev tomonidan kiritilgan gol o‘yinni so‘nggi nuqtani qo‘ydi.
Ushbu g‘alabadan keyin Ro‘ziqul Berdiyev shogirdlari hisobidagi ochkolar soni 41taga yetdi va peshqadam «Lokomotiv» bilan oradagi farqni 4 ochkogacha qisqartirdi. («Loko» o‘z o‘yinini endi tugatadi). «So‘g‘diyona» esa 23 ochko bilan 12-o‘rinda qoldi.
Oliy liga, 19-turning qoldirilgan uchrashuvi
«So‘g‘diyona» – «Nasaf» 0:3 (0:2)
Gollar: Igor Golban (35), Jasur Hasanov (36), Islom Kenjaboyev (74).
«So‘g‘diyona»: Muzaffar Abdullayev, Azamat Isroilov, Elyor Orifov, Sanjar Rashidov, Suhrob Qobilov, G‘ayrat Umirov, Ixtiyor Toshpo‘latov, Sardor Qahhorov (Izzatilla Abdullayev, 46), Sardor Eminov, Javlon Guseynov, Umidjon Qodirov (Qahramon Bahodirov, 41).
«Nasaf»: Sanjar Quvvatov, Akmal Shorahmedov, Azizjon G‘aniyev (SHarof Muhitdinov, 80), Odiljon Hamrobekov, Bahrom Abdurahimov, Islom Kenjaboyev (Bobur Abduxoliqov, 85), Igor Golban, Farrux Sayfiyev, Dragan Cheran, Jasur Hasanov (Maqsud Karimov, 76), Umar Eshmurodov.
Ogohlantirishlar: G‘aniyev (6), Elmurodov (27), Hasanov (67), Rashidov (72), Golban (90).
