"Manchester Yunayted"ning sobiq yarim himoyachisi Adnan Yanuzay Lui van Gal qo‘l ostida qanday ishlagani va Joze Mourinyoning qo‘llab quvvatlashi haqida gapirib o‘tdi

"Van Gal "MYU"ni boshqargan payti men uchun qiyin davrlar o‘tdi. Oldingidek erkinlikka ega emasdik. Murabbiy: "Bor, o‘z o‘yininingni ko‘rsat, muxlislar o‘z o‘rnidan sakrab ketishsin", deganida vingerga ishonch kerak bo‘ladi. Biroq u bilan biz sekin o‘yin ko‘rsatardik. "MYU"ning ko‘p futbolchilari uning falsafasidan zavq olmadi. Van Gal bilan oramizda juda ko‘p munozaralar bo‘lib o‘tdi.

Ko‘pchilik meni oldingi, "MYU"da endi faoliyatimni boshlagan paytlarimdagi Yanuzay emasligimni ko‘rdi. Rayan Giggz meni qo‘llab quvvatladi. Bu barcha qo‘rqadigan "Manchester Yunayted" emasdi. "Old Trafford"ga raqiblar g‘alaba uchun keladigan bo‘lishdi.

Mourinyo kelganida tezda qaror chiqarishi kerak edi. Men ikki yil o‘ynamadim. U juda yaxshi murabbiy edi, men bilan yaxshi munosabatda bo‘lardi. Joze meni boshqa jamoaga o‘tishimni istadi.

Endi yangi jamoamda o‘zimni ko‘rsatishim kerak. Belgiya terma jamoasi uchun yaxshi futbolchi ekanligimni isbotlamoqchiman", — deydi Yanuzay.

Ushbu mavsumda Yanuzay La ligada 3 ta o‘yin o‘tkazdi.