Yevropa Chempionlar Ligasining 2-tur bellashuvlari o‘z yakuniga yetdi.
To‘purarlar poygasini Angliya milliy terma jamoasi hujumchisi Harri Keyn boshqarib turibdi. Uning hisobida 5 ta gol bor. Keyn dastlabki turda «Borussiya Dortmund» postiga ikki bor yo‘l topgan bo‘lsa, keyinroq Kiprda xet-trik qayd etdi.
«Real» hujumchisi Krishtianu Ronalduda esa stabillik bor. U har ikki turda ham 2 tadan gol urishga erishdi. Krishtianu 2015/16 yilgi mavsum guruh bosqichida 11 ta gol urib, Chempionlar Ligasida rekord qo‘ygandi. Agar bu safar har turda 2 tadan gol urishga davom etsa, o‘z rekordini o‘zi yangilashi mumkin.
YECHL to‘purarlari:
5 - Harri KEYN (Tottenhem).
4 - Vissam BEN YEDDER (Sevilya), KRISHTIANU RONALDU (Real Madrid, 1).
3 - Edinson KAVANI (PSJ, 1), Romelu LUKAKU (MYU).
2 - Vensan ABUBAKAR (Portu), Rayan BABEL (Beshiktosh), Mishi BATSHUAYI (CHelsi), Lionel MESSI (Barselona), NEYMAR (PSJ), Dimitri OBERLIN (Bazel), Felipe PARDO (Olimpiakos), Jon STOUNZ (Manchester Siti), TALISKA (Beshiktosh).
