Европа Чемпионлар Лигасининг 2-тур беллашувлари ўз якунига етди.

Тўпурарлар пойгасини Англия миллий терма жамоаси ҳужумчиси Ҳарри Кейн бошқариб турибди. Унинг ҳисобида 5 та гол бор. Кейн дастлабки турда «Боруссия Дортмунд» постига икки бор йўл топган бўлса, кейинроқ Кипрда хет-трик қайд этди.

«Реал» ҳужумчиси Криштиану Роналдуда эса стабиллик бор. У ҳар икки турда ҳам 2 тадан гол уришга эришди. Криштиану 2015/16 йилги мавсум гуруҳ босқичида 11 та гол уриб, Чемпионлар Лигасида рекорд қўйганди. Агар бу сафар ҳар турда 2 тадан гол уришга давом этса, ўз рекордини ўзи янгилаши мумкин.

ЕЧЛ тўпурарлари:

5 - Ҳарри КЕЙН (Тоттенҳэм).
4 - Виссам БЕН ЙЕДДЕР (Севилья), КРИШТИАНУ РОНАЛДУ (Реал Мадрид, 1).
3 - Эдинсон КАВАНИ (ПСЖ, 1), Ромелу ЛУКАКУ (МЮ).
2 - Венсан АБУБАКАР (Порту), Райан БАБЕЛ (Бешиктош), Миши БАТШУАЙИ (Челси), Лионель МЕССИ (Барселона), НЕЙМАР (ПСЖ), Димитри ОБЕРЛИН (Базель), Фелипе ПАРДО (Олимпиакос), Жон СТОУНЗ (Манчестер Сити), ТАЛИСКА (Бешиктош).