“Manchester Yunayted” klubi hujumchisi Romelu Lukaku mavsumni yaxshi boshlaganidan xursand ekanligini yashirmadi.

“Shunchaki – sovrinlar yutmoqchiman. Jamoa g‘alaba qozonayotgani kabi shaxsiy faoliyatimda ham oldinga borish istagi yo‘q emas. Men o‘z ustimda qattiq ishlayapman va buni davom ettiraman.

“Manchester Yunayted”ning ishlari joyida, yanada kuchayishimiz kerak. Aytgancha, bu faqat mavsumning boshlanishi xolos”, – deydi Lukaku.

Eslatib o‘tamiz, Lukaku SSKAga qarshi uchrashuvda dubl muallifiga aylanib, “qizil iblislar”ning g‘alabasiga katta xissa qo‘shdi.