O‘zbekistonning xavaskor va professional muay tay assosiasiyasi hamda "Bogatir" sport klubi tomonidan Toshkent viloyatida tashkil etilgan muay tay WBF yunalishi buyicha ochiq turnir o‘z nihoyasiga yetdi. Ushbu musobaqa “Biz giyoxvandlikka qarshimiz!” shiori ostida o‘tkazilib, unda yurtimizning deyarli barcha viloyatlaridan turli yoshdagi 300 nafardan ziyod sportchi ishtirok etdi.
Natijalarga ko‘ra umumjamoa xisobida birinchi o‘ringa 30 ta oltin medal to‘play olgan poytaxt sportchilari ega bo‘lishdi. Ikkinchi o‘rinda 15 ta medal bilan Samarkandlik muay taychilar va uchinchi o‘rinda 10 tadan medal bilan Namangan va Qashqadaryo sportchilari qayd etilishdi.
Shuningdek, xavaskor janglar bilan bir qatorda professional janglar xam o‘tkazildi. Uning yakuniy natijalariga ko‘ra, Toshkentning “Bogatir” klubidan 6 nafar, Samarqandning “Shaxriyor” klubidan 3 nafar, Namangandan 2 nafar hamda Buxorodan 1 nafar sportchi g‘alabani qo‘lga kiritdi.
